Wildflower verge; Cumbernauld; afternoon; sunny with some cloud; 09.06.2011 - Katrina Martin / 2020VISION
Cymunedau Gwyllt
Mwy, gwell, a mwy unedig
Mae angen i ni greu rhwydwaith cadarn, rhyng-gysylltiedig o fannau gwyllt a chynefinoedd iach sy’n darparu gofod i fyd natur ffynnu ac adfer gwytnwch ein hecosystemau ar raddfa tirwedd, a all wedyn ddarparu pridd iach ac aer a dŵr glân. Gall tir o unrhyw faint gyfrannu at y Rhwydwaith Adfer Natur yma – gwarchodfeydd natur, mannau cymunedol, gerddi, ffermydd, parciau, mynwentydd ac ysgolion – mae’n gweithio ar unrhyw raddfa.
Rydyn ni’n gwybod bod llawer o bobl ar draws y sir sydd â'r angerdd a'r egni i ysgogi newid cadarnhaol i fyd natur yn eu hardal leol, ysgol, busnes, tir neu weithle. Mae arnom ni angen pobl i helpu i arwain a threfnu newid ac ymgyrchwyr real i'n helpu ni i gyflawni ar lawr gwlad a chael eraill i ymuno â'n mudiad gwyllt ni.
Efallai eich bod chi’n rhan o grŵp cymunedol sy'n bodoli eisoes y mae ei nodau a'i gymhellion yn cyd-fynd yn dda â nodau Tîm Gwyllt, neu efallai eich bod chi’n bwriadu sefydlu un eich hun. Fe all Tîm Gwyllt eich helpu chi drwy ddarparu hyfforddiant ac adnoddau penodol neu eich cysylltu â grwpiau a phobl eraill debyg, i chi rannu eich syniadau gyda nhw.
Dechreuwch weithredu!
Deuparth gwaith yw ei ddechrau!
Brown Argus ©Amy Lewis
Adnoddau Gwyllt
Cliciwch i ddarganfod ystod eang o awgrymiadau a gwybodaeth ddefnyddiol i'ch cefnogi chi a'ch cymuned i weithredu dros fyd natur.
Layers
Dim grwpiau cymunedol yn eich ardal?
Mae sefydlu grŵp cymunedol ar eich pen eich hun yn cymryd llawer o amser ac egni, pethau nad oes gennych chi ar hyn o bryd efallai. Dyna pam mae Tîm Gwyllt yma i'ch helpu chi! Byddwn yn eich cysylltu ag eraill yn eich ardal sydd â diddordeb hefyd mewn dechrau grŵp a byddwn yn rhoi hyfforddiant a digon o adnoddau i chi ar gyfer sefydlu grŵp eich hun. Er nad oes unrhyw grwpiau yn eich ardal leol chi efallai, defnyddiwch y map i gael ysbrydoliaeth a dysgu o lwyddiant eraill ledled Gwent.
Adnoddau Tîm Gwyllt
Porwch ein llyfrgell o adnoddau a fideos hyfforddi sydd wedi'u casglu’n arbennig ar gyfer Tîm Gwyllt, popeth o reoli'ch gwrych i ddechrau ymgyrch gymunedol.
Os oes arnoch angen cymorth pellach, mae croeso i chi gysylltu â ni, fe wnawn ni ein gorau i'ch arwain chi i’r cyfeiriad cywir i'ch helpu ar eich siwrnai i gefnogi byd natur.
Dechreuwch weithredu dros fyd natur heddiw!